የዛሬ ማክሰኞ ጥቅምት 18/2012 የዋዜማ ዐበይት ዜናዎች

Daily Ethiopian News, አዳዲስ ዜናዎች።
Forum rules
** When you post a News please include the Source link.
For More Ethiopian News please visit the Home Page
http://ethiopiaforums.com/
selam sew
Leader
Leader
Posts: 590
Joined: 08 Feb 2011 11:14
Contact:

የዛሬ ማክሰኞ ጥቅምት 18/2012 የዋዜማ ዐበይት ዜናዎች

Unread post by selam sew » 29 Oct 2019 15:37

ለቸኮለ! የዛሬ ማክሰኞ ጥቅምት 18/2012 የዋዜማ ዐበይት ዜናዎች

1. እስር ላይ የነበሩ የአማራ ብሄራዊ ንቅናቄ (አብን) እና የአዲስ አበባ ባላደራ ምክር ቤት አባላት እንዲፈቱ ተወሰነ፡፡ በመታወቂያ ዋስ አስይዘው እንዲፈቱ ከተባሉት 22 ታሳሪዎች መካከል የባላደራ ምክር ቤቱ ምክትል ሰብሳቢ ስንታየሁ ቸኮል፣ የአብን ሕዝብ ግንኙነት ሃላፊ ክርስቲያን ታደለ፣ የብርጋዴር ጄኔራል አሳምነው ጽጌ ባለቤት ደስታ አሠፋ እና ጋዜጠኛ ኤሊያስ ገብሩ ይገኙበታል፡፡ የተወሰኑት ታሳሪዎች ማምሻውን ተለቀው ከቤተሰቦቻቸው ተቀላቅለዋል::

2. ጋዜጠኛ ፍቃዱ ማኅተመ ወርቅ 7 ዐመት እስር እና 7 ሺህ ብር ቅጣት ተፈርዶበታል፡፡ ፍርዱ የተላለፈው የዛሬ 5 አመት በእንቁ መጽሄት ላይ በቀረበበት ክስ መሆኑን አሥራት ሜዲያ ዘግቧል፡፡ የመጽሄቷ አሳታሚ የነበረው እና ስደት ላይ የሚገኘው አለማየሁ ማኅተመ ወርቅ ደሞ የ25 ዐመት እስራት እንደተፈረደበት ለዋዜማ ገልጧል፡፡ ፍቃዱ ባለፈው ማክሰኞ በእስር ላይ እንዲቆይ እስከተፈረደበት ጊዜ ድረስ፣ የግዮን መጽሄት ማኔጅንግ ኤዲተር ሆኖ እየሠራ ነበር፡፡

3. የኢትዮጵያ ዜጎች ለማኅበራዊ ፍትህ ፓርቲ (ኢዜማ) ዛሬ በሰጠው መግለጫ ለኢትዮጵያ ሕዝብ የሀገርህን አድን ጥሪ አቅርቧል፡፡ በቅርቡ በጸጥታ ሃይሎች “ተከብቤያለሁ” በማለት ሁከትን ወደ ሕዝብ የረጨው፣ የንጹኻንን ሕይወት ያጠፉና ንብረት ያወደሙ ግለሰቦች ለሕግ ይቅርቡ፤ በግጭት የሚነግዱ መገናኛ ብዙኻን ላይ መንግሥት ርምጃ ይወሰድ- ብሏል በመግለጫው፡፡ ርምጃዎቹም ከፖለቲካ ገለልተኛ በሆነ መንገድ እንዲፈጸሙ ጠይቋል፡፡ አጠቃላይ ሀገር ዐቀፍ ውይይት እንዲጀመርም አሳስቧል- በፌስቡክ ገጹ ባሰራጨው መግለጫ፡፡

4. ባለፈው ሳምንት በኦሮሚያ ክልል በተፈጸመው ጥቃት በመሳተፍ የተጠረጠሩ ከ300 በላይ ተጠርጣሪዎች እንደተያዙ የክልሉ ኮምንኬሽን ጉዳዮች ቢሮ ለሸገር ተናግሯል፡፡ ከተጠርጣሪዎቹ መካከል ተጣርቶ ጥፋተኛ እንደሆኑ የታመነባቸው ለሕግ ይቀርባሉ፡፡

5. የኢትዮጵያ የሐይማኖት ተቋማት ጉባዔ መንግሥት በኦሮሚያ ክልል ሁከት ያስነሱትንና በንጹኻን ላይ ግድያ የፈጸሙትን ባስቸኳይ ለሕግ እንዲያቀርብ መጠየቁን የመንግስት መገናኛ ብዙኻን ዘግበዋል፡፡ ጥቃቱ ሐይማኖታዊ ገጽታ እንዲላበስ መደረጉ ደሞ አሳሳቢ ነው ብሏል፡፡ መንግሥት ይሄን እኩይ ተግባር ለምን በዝምታ ይመለከታል? ሲልም ጠይቋል- ጉባዔው ዛሬ በጋራ ባወጣው መግለጫ፡፡

6. የኢትዮጵያ እስልምና ጉዳዮች ጠቅላይ ምክር ቤት መግለጫ አውጥቷል፡፡ በአማራ ክልል እና በቅርቡ በኦሮሚያ ክልል በአዳማ ከተማ መስጅዶች ላይ የጠፈጸመውን ጥቃት እና የሰዎች ሕይወት መጥፋት አውግዟል፡፡ በሰሞኑ ጥቃት ግጭቶችን የሐይማኖት ለማስመሰል ተሞክሯል፤ የእምነት አባቶች፣ ኡላማዎችና ተማሪዎች ላይም ግድያ ተፈጽሟል ብሏል፡፡ አንዱን ሐይማኖት በሌላው ላይ ማነሳሳት ተቀባይነት የለውም፡፡ እናም መንግሥት አጥፊዎችን ለሕግ እንዲያቀርብ ጠይቋል- በማኅበራዊ ሜዲያ ገጹ ባሰራጨው መግለጫ፡፡

7. የኢትዮ-ቴሌኮም የምዕራብ ቀጠና ሃላፊ ገመቺስ ታደሠ ዕሁድለት በነቀምት ከተማ በ4 ጥይት እና በስለት ተወግተው ተገድለዋል፡፡ የነቀምቴ ከተማ ፖሊስ ግን እስካሁን በቁጥጥር ሥር ያዋልኩት ተጠርጣሪ የለም ማለቱን የዘገበው የአማርኛው ቢቢሲ ሬዲዮ ነው፡፡ ሟቹ ሕይወታቸው ያለፈው ከጥይቱ በኋላ በስለት ደረታቸው ላይ በመወጋታቸው እንደሆነ ሐኪሞች ተናግረዋል፡፡

8. ጠቅላይ ሚንስትር ዐቢይ ወርቅነህ ገበየሁን ለኢጋድ ዋና ሥራ አስፈጻሚነት ሹመዋል በሚል ውዝግብ እንደተቀሰቀሰ የኬንያው ዴይሊ ኔሽን ዘግቧል፡፡ ጠቅላይ ሚንስትሩ ሹመቱን የሰጡት የኢጋድ የወቅቱ ሊቀመንበር በመሆናቸው እንደሆነ ቢገልጽም፤ መንግሥት ግን እስካሁን ማረጋገጫ አልሰጠም፡፡ ሹመቱ በተለምዶ የሚጸድቀው በኢጋድ መሪዎች ጉባዔ ነው- ይላሉ አስተያየት ሰጭ ዲፕሎማቶች፡፡ ሱማሊያ፣ ጅቡቲና ኡጋንዳ ዕጩዎችን አቅርበዋል፡፡
Image

Post Reply

Return to “Ethiopian Daily News .. ኢትዮ ዜናዎች”