እንቆቅልሽ ተረትና፣ ምሳሌ...

[ሰላም]

የልጃገረድ አውታታ
አውራ መንገድ ላይ ተኝታ
ተይ ተነሽ ቢላት ምነው
ይህ አለማፈር ነው..

እንቆቅልሽ....
ሰገባ ወደ ውጭ
ሲወጣ ወደ ደጅ?

ለፈገግታ :lol
ያባይን ልጅ ዲቪ ደረሰው
ስም ያለው በ ኪሎ ይሽጠው
ሰውን ማመን ተፈራርሞ ነው
እኔ ከሞትኩ ትንሹው ቴፕ ለእናቴ
ሰርገኛ መጣ ልብስ ቀይሩ
አሳን መብላት ጠብሶ ነው
ጋደኛክ ሲታማ አንተ ምን አገባክ
ከዝንጀሮ ቆንጆ የድመት አስቀያሚ ይሻላል

[ሰላም]

መሸ ደሞ አምባ ልውጣ

አምባ ወጥቼ እኩለ-ሌሊት ፥ ስለት ገብቼ በስሟ
ከርሞ ሰይጣን በሷ አስቶኝ ፡ ልገላገል ከሕመሟ
ጠበሏ አፋፍ በጨረቃ ፥ ደጋግሜ ማሕሌት ቆሜ
ሆዴ ቃትቶ ባር ባር ብሎ ፥ እርቃኔን ከሷ ታድሜ
ደጀ ሰላሟን በአራት እግር ፥ ተንበርክኬ ተሳልሜ
በሥጋዬ እሚነደውን ፥ በጸሎት ላቤ አጣጥሜ
እፎይ ብዬ አመስግኜ ፥ ውዳሴዋን ደጋግሜ . . . .
ገና ከደጅዋ እልፍ ሳልል ፥ ደሞ ይምጣ የቁም ሕልሜ?
ሌት በጥምቀቷ የነጣው ፥ ነጋ ደፈረሰ ደሜ ።
ለሷ እንጂ ለኔ አልያዘኝ ፥ አዬ የስለት አታምጣ !
በውጣ ውረድ በጠበል ፥ ባሣር ወዜ ቢገረጣ
ልክፍቷ እንደሁ አልለቀቀኝ ፥ መሸ ደሞ አምባ ልውጣ !

ባዶ መሶብ

ባንበሳ ብሂል ተጀግኖ
ዘራፍ ብሎ ፣ ሰብቆ ገድሎ
ጉራ ገኖ ፣ ዳቦ አክሎ
ገድል ሆኖ ፣ ሞልቶ መሶብ
ታሪክ ጠግቦ ፣ ቀርቶ ማሰብ
የእድሜ አተላ ፣ ግቶ አግቶ
ባዶ መሶብ ፣ ላይ ተኝቶ፡፡